دردشة عراقنا الحبيب

   

ابذيات عراقية ، ابوذيات حب

حسين الساعدي
اعزاز اعزاز ياما راحوا النه
وعليهم عمري كله راح اونه
اشوفن للشماته راحه والنه
بس القهر والونه الخفيه
ـــــــــــــــــــــــــــــــــ
نائل المظفر
الك مملوء دلالي .. والة هجاء
ونسيت الحجي من شفتك .. ولهجاء
حروف الابج وهوز .. ولهجاء
يدكن لو كتبت اسمك تحية
ـــــــــــــــــــــــــــــــــ
نائل المظفر
جذب جفي بعدكم .. يومي لأحّد
وهواكم وين حدة .. يو ملا حد
انة لو ما اجيكم .. يوم الاحد
الثنين من الصبح لطموا علية
ـــــــــــــــــــــــــــــــــ
ابوذيات عراقية ، ابوذيات حب عراقية ، ابوذيات عراقية 2014 ، ابوذيات رومانسيةعراقية ، ابوذيات عتاب عراقية

نائل المظفر
زاد بكلبي شوكك .. وانتة قل بي
ووصل للراس حبك .. وانتقل بي
احب شلون غيرك .. وانتة قلبي
وانة بكلبي احبن مو بدية
ـــــــــــــــــــــــــــــــــ

نائل المظفر
اكوم اجلالن لحسنك .. واقف لك
واسجل كلبي يا خلي .. وقف لك
واحطك بي واقفلنة .. واقفلك
واطب بصدري واقفلكم علية
ـــــــــــــــــــــــــــــــــ
ابوذيات عراقية ، ابوذيات حب عراقية ، ابوذيات عراقية 2014 ، ابوذيات رومانسيةعراقية ، ابوذيات عتاب عراقية

رحيم المالكي
وياك بلشت بلشة .. يابلاشي
وحسافة طلعت عدك .. يابة لا شيء
بثمن يوسف بعتني .. يا بلاشي
وقميصي اربع جهات انقد علية
ـــــــــــــــــــــــــــــــــ
نائل المظفر
تدري شكد الك كلبي .. ولع ضام
صغار جروحي يهونّك .. والعظام
اموتن وندفن واعتك .. والعظام
يزحفنلك زحف لو صحت الية
ـــــــــــــــــــــــــــــــــ
رحيم المالكي
مدري العيب عندك .. مدري عدي
ومدري غلط عدّك .. مدري عدي
مدري اوكف واطالب .. مدري أعدي
واكولن ينصلح ويرد الية
ـــــــــــــــــــــــــــــــــــــــــــ
نائل المظفر
السعادة من اجيبنهة .. والافرح
وعلى الخوان راح اصفن .. والف راح
الف عدموه والف سجنوه ..وألف راح
واتاني وما رجع واحد علية
ـــــــــــــــــــــــــــــــــ

دردشة عراقية