دردشة عراقنا الحبيب

   

دارميات عراقية ، دارمي عراقي حزين

هلكد حلاه حط بيك سبحانه ربك
خلانه مزدحمين دوم اعله دربك

هلكد حلاه حط بيك سبحانه باريك
جمعلك احله اوصاف وحطهن شلع بيك

هلكد حلاه حط بيك سبحانه داراك
يمكن قبل هابيل ربك بده وياك

هلكد حلاه حط بيك سبحانه قادر
بس الحلك موضوع يترس دفاتر

هلكد حلاه حط بيك سبحانه قدوس
اليبوسك المفروض يتوضى ويبوس

هلكد حلاه حط بيك سبحانه قيوم
بس اليشبك فاز خيعون الهدوم

هلكد حلاه حط بيك جلت قدرته

حته اليصلي الليل داخ وسطرته

تدري اشوكت انساك والليل انامة
مــن تسمع العصفور لابس بجامة

الدهر صاير چاي والدنيا قوري
ليش اليحب يا هواي ينضرب بوري

فيتر صرت يا ناس والعيشه كشره
وين اليضب الروح بسبانه عشرة

تعليق واحد لـ “ دارميات عراقية ، دارمي عراقي حزين ”

  1. الله يبارك فيكم وبجهودكم احبابي —- اهل الموصل يحبون جدا الدارميات وخاصة الحزينة منها لان كما تعرفون احنا اهل العراق تعلمنا على القهر والضيم وصارت الماسي جيراننا- اكتبوا ابوذيات ودارمي حزين عالفراق رحمة لوالديكم

    شكرا جزيلا

دردشة عراقية